નાની અમથી વાત!

મારે ઘરે વાવેલ કરેણ

ભર બપોરે ગામડાંમાં ઝાડવા નીચે બેસીને બેઘડી આરામ કરી લઈએ તો ખરેખર સ્વર્ગની અનુભૂતિ થાય છે. પણ લોકોને સમજાવે કોણ? વૃક્ષો કાપીને ઘરે AC ઓ લગાવી છે અને પાછા કહે છે કે, 'લ્યા ભઇ ગરમી બઉ બધી ગઈ છે!'

સૌ કોઈ જાણે છે કે, આજે વૃક્ષો વાવવા એ માત્ર પર્યાવરણનું જતન નથી, એ આપણા ભવિષ્યનું જતન છે. માનવી આટલો સ્વાર્થી હોવા છતાં પણ આ સ્વાર્થ કેમ નથી દેખાતો? અત્યારે તેણે કઈ દિશા પકડી છે? AC માં બેસી ક્યાં સુધી જીવાશે? ક્યારેક તો એ સંસાધન પણ ખતમ થઈ જશે. કારણ કે, એ માનવ સર્જિત છે અને પ્રકૃતિનો નિયમ છે જે જન્મે છે તેનું મૃત્યુ નક્કી જ છે!

એવું પણ નથી કે, વૃક્ષો નથી વવાતા! અનેક જગ્યાએ વૃક્ષા રોપણ થાય છે પણ રોપ્યા પછી શું? બાળકને જન્મ આપ્યા પછી તરત જ શું મા તેને છોડી દે છે? ના! એક નિશ્ચિત સમય માટે તેનું લાલન પાલન કરવુ પડે છે.  ત્યારે બાળક મોટું થાય છે. તેમ જ છોડવાઓનું ધ્યાન રાખવું પડે ત્યારે તે ચોડ મોટું વટવૃક્ષ બને છે.

હવે અહીં મારે વૃક્ષોથી થતાં ફાયદા લખવાની જરૂર નથી. કારણ કે એ પછી વધારે થઈ જશે. એના ફાયદા સૌ કોઈ ભણ્યા જ છીએ અને ખબર પણ બધાને જ છે! બસ અત્યારે જાગવાની જરૂર છે.  બાકી બધા સમજદાર છે.

🦚 "રાધે - રાધે" 🦚

#trees #TreePlantation #plantation #plantatree #saveearth #earth